გლდანში, კომპაქტურად ჩასახლებულ დევნილებს, რომლებიც კარანტინში იმყოფებიან, აფხაზეთის ავტონომიური რესპუბლიკის მთავრობის წევრებმა, პირველადი საჭიროების სასურსათო პროდუქტები გადასცეს. ამის შესახებ „ინტერპრესნიუსს“ აფხაზეთის ავტონომიური რესპუბლიკის მთავრობიდან აცნობეს.

მათივე ცნობით, 5-9 წლამდე ასაკის 19 მოზარდს აფხაზეთის სულიერების ცენტრის მიერ გადმოცემული სასაჩუქრე ყუთებიც დაურიგდათ.

„აფხაზეთის ავტონომიური რესპუბლიკის მთავრობის თავმჯდომარე, რუსლან აბაშიძე აფხაზეთის ავტონომიური რესპუბლიკის მთავრობის თავმჯდომარის მოადგილე, ანზორ მარგიანი და აფხაზეთის ავტონომიური რესპუბლიკის მთავრობის წევრები, გლდანში მდებარე დევნილთა კომპაქტურ ჩასახლებაში იმყოფებოდნენ, რომელიც კორონავირუსის შემთხვევის დადასტურების გამო რამდენიმე დღეა კარანტინში იმყოფება. მთავრობის წარმომადგენლებმა აფხაზეთიდან დევნილ მოსახლეობას პირველადი საჭიროების სასურსათო პროდუქტი გადასცეს. ასევე 5-9 წლამდე ასაკის 19 მოზარდს აფხაზეთის სულიერების ცენტრის მიერ გადმოცემული სასაჩუქრე ყუთები დაურიგდათ“, - ნათქვამია ინფორმაციაში.