ბრაზილიის ჯანდაცვის მინისტრი ხელისუფლებას მოუწოდებს კორონავირუსთან ბრძოლის საკითხებზე ნარკოდილერებს და კრიმინალური ავტორიტეტებს ესაუბროს, რადგან მათ ღარიბ უბნებში სერიოზული გავლენა აქვთ.

„ჩვენ უნდა გავაცნობიეროთ, რომ ამ ტერიტორიებზე სახელმწიფოს კონტროლი ნაკლებად ვრცელდება და ისინიც ადამიანები არიან. მათაც სჭირდებათ დახმარება“, - აღნიშნა ლუის ჰენრიკე მანდეტამ.

ცნობისთვის, ბრაზილიაში ბანაკების ტიპის უბნებში დაახლოებით 11.5 მილიონი ადამიანი ცხოვრობს, რაც ქვეყნის მოსახლეობის 6 პროცენტს წარმოადგენს.

ბრაზილიაში კორონავირუსი 16200-ზე მეტ ადამიანს დაუდგინდა. დაღუპულია 823 პაციენტი.