საქართველოში ამერიკის შეერთებული შტატების საელჩოს ცნობით, ლუგარის ცენტრი სწორედ ისეთი ეპიდემიების გამოსავლენად და მათზე რეაგირებისთვის შეიქმნა, როგორიც COVID-19-ია.

როგორც საელჩოს მიერ სოციალურ ქსელში გავრცელებულ ინფორმაციაშია აღნიშნული, აშშ მოუთმენლად ელის საქმიანობის გაგრძელებას, რათა განმტკიცდეს აშშ-საქართველოს პარტნიორობა რეგიონში ახალი და ენდემური ინფექციური დაავადებების საფრთხეებზე რეაგირების კუთხით.

“ლუგარის ცენტრი, რომელიც აშშ-ის მთავრობის დაფინანსებით აშენდა, საქართველოს მთავრობის მფლობელობაშია და მის მიერ იმართება. აღნიშნული ცენტრი სწორედ ისეთი ეპიდემიების გამოსავლენად და მათზე რეაგირებისთვის შეიქმნა, როგორიც COVID-19-ია. მოხარული ვართ, რომ უფრო მეტი ქართველი ეცნობა იმ მნიშვნელოვან საქმეს, რასაც ლუგარის ცენტრი ახორციელებს. მოუთმენლად ველით საქმიანობის გაგრძელებას, რათა განვამტკიცოთ აშშ-საქართველოს პარტნიორობა რეგიონში ახალი და ენდემური ინფექციური დაავადებების საფრთხეებზე რეაგირების კუთხით”, - ნათქვამია საქართველოში აშშ-ს საელჩოს მიერ გავრცელებულ ინფორმაციაში.