მარინა ეზუგბაია - ოთხი ახალი შემთხვევის დაინფიცირების წყარო ცნობილია

თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, საქართველოში კორონავირუსით დაინფიცირებული ოთხი ახალი პაციენტის დაინფიცირების წყარო ცნობილია და ყველა მათგანი შემოტანილ შემთხვევას უკავშირდება. როგორც ეზუგბაიამ ჟურნალისტებს განუცხადა, ორი პაციენტი ბათუმში იმყოფება, ხოლო ორი ინფექციურ საავადმყოფოში გააგრძელებს მკურნალობას.

„დღეს, დილის შემდეგ, 4 დადასტურებული შემთხვევა დაემატა. 214 ინფიცირებული იყო და 218 გახდა. ოთხივე შემთხვევის წყარო ცნობილია, ეს არის შემოტანილი, იმპორტირებული შემთხვევა. ინფიცირებულთაგან ორი პაციენტი არის ბათუმში და ორი ჩვენთან. ერთი უკვე გადმოყვანილია და მეორეს შემოიყვანენ. როდესაც პაციენტებს ჩვენთან შემოიყვანენ და გაფართოებულ კვლევებს ჩავატარებთ, მერე გეტყვით, როგორია მათი ჯანმრთელობის მდგომარეობა. ამ დროისთვის გვაქვს 218 დადასტურებული შემთხვევა. ჩვენი ცენტრიდან დღეს დილით ტესტირება 10 პაციენტს ჩაუტარდა და ყველასთან ნეგატიური პასუხი მივიღეთ“,-აცხადებს ეზუგბაია.

ცნობისთვის, ახალი კორონავირუსით ინფიცირებული 218 ადამიანიდან 50 გამოჯანმრთელებულია. გარდაცვლილია 3 ადამიანი.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
Wolt - კვლავ ღამის 3 საათამდე