ბაგები-წყნეთის გზაზე მეწყერი ჩამოწვა. როგორც „ინტერპრესნიუსს“ თბილისის მერიაში განუცხადეს, შემთხვევის შედეგად არავინ დაზარალებულა.
როგორც მერიაში აღნიშნავენ, გზის გაწმენდითი სამუშაოების დასრულების შემდეგ, ადგილზე დამცავი ჯებირი გაკეთდება.
„მიმდინარეობს გაწმენდითი სამუშაოები და სავარაუდოდ, გზა ხვალ გაიხსნება. შემთხვევის შედეგად არავინ დაზარალებულა. გზის გაწმენდის შემდეგ, სამუშაოები ეტაპობრივად დაიწყება, რაც დამცავი ჯებირის გაკეთებას გულისხმობს“, - აცხადებენ თბილისის მერიაში.