ჩერნობილთან ტყის ხანძრის გამო, კიევი მსოფლიოში ყველაზე დაბინძურებული ჰაერის მქონე ქალაქი გახდა. ინფორმაციას BBC ავრცელებს.

გამოცემის ცნობით, უკვე რამდენიმე დღეა ქალაქი ჩერნობილის ტყიდან წამოსული კვმალით ბინძურდება. აღსანიშნავია, რომ ჰაერის დაბინძურების მაქსიმალური დასაშვები ნორმა 50 პუნქტია, კიევში კი ამ დროისთვის ჰაერის დაბინძურება 246 პუნქტს შეადგენს.

შეგახსენებთ, ჩერნობილის ატომურ ელექტროსადგურთან ახლოს ხანძარი 4 აპრილს გაჩნდა, რის შედეგადაც 25 ჰექტარი ტყის მასივი დაიწვა. რამდენიმე დღის წინ გავრცელდა ინფორმაცია, რომ ცეცხლი ჩააქრეს, თუმცა წუხელ, NASA-მ აღნიშნა, რომ ტყის მასივში ცეცხლის კერები კვლავ შეინიშნება.