იტალიაში გასული დღე-ღამის განმავლობაში კორნავირუსით კიდევ 437 ადამიანი გარდაიცვალა. ქვეყანაში, მთლიანობაში ვირუსით გარდაცვლილთა რიცხვმა 25 085 შეადგინა.

რაც შეეხება ინფიცირების ახალ შემთხვევებს, კორონავირუსით ქვეყანაში კიდევ 3 370 ადამიანი დაავადდა. იტალიაში ინფიცირებულთა საერთო რაოდენობა 187 327-ს შეადგენს. აქედან 54 543 პაციენტი ვირუსისგან განიკურნა.

ამჟამად მკურნალობას გადის 107 699 პირი. მათგან 2 384 პაციენტის, ანუ 2%-ის მდგომარეობა მძიმეა. იტალია, მსოფლიოში ინფიცირებულთა რიცხვით მესამე ადგილზეა, ხოლო გარდაცვლილთა რიცხვით მეორეზე.