გიორგი კახიანი - სწორედ შეზღუდვებმა და ხელისუფლების მიერ განხორციელებულმა სწორმა ქმედებებმა გამოიღო ის შედეგი, რომ ვირუსის გავრცელების ხარისხი საქართველოში არის დაბალი

პარლამენტის ვიცე-სპიკერის, გიორგი კახიანის განცხადებით, არსებულ ვითარებაში საგანგებო მდგომარეობის გაგრძელება აუცილებელი იყო, „რადგან სწორედ შეზღუდვებმა გამოიღო ის შედეგები, რაც გვაქვს“.

როგორც კახიანმა განაცხადა, აუცილებელია გაგრძელდეს ბრძოლა კორონავირუსის წინააღმდეგ და ეს მხოლოდ საგანგებო მდგომარეობის პირობებშია შესაძლებელი.

„მგონი, ყველა ვხვდებით, რომ საგანგებო მდგომარეობის გაგრძელება ამ ვითარებაში იყო აუცილებელი, იმიტომ, რომ სწორედ იმ შეზღუდვებმა და ხელისუფლების მიერ განხორციელებულმა სწორმა ქმედებებმა გამოიღო ის შედეგი, რაც გვაქვს. შედეგი არის ის, რომ ვირუსის გავრცელების ხარისხი საქართველოში არის დაბალი. რა თქმა უნდა, უნდა გავაგრძელოთ ეს ბრძოლა და სწორი ქმედებები იმისათვის, რომ საბოლოოდ დავამარცხოთ ვირუსი. ეს მოქმედებები გრძელდება და ეს ყველაფერი შესაძლებელია საგანგებო მდგომარეობის ვითარებაში. ამიტომ, რა თქმა უნდა, მხარი დავუჭირეთ საგანგებო მდგომარეობის გაგრძელებას. ეს იყო ერთადერთი სწორი გადაწყვეტილება ამ ვითარებაში“,- განაცხადა კახიანმა.

კახიანი, ასევე, ამერიკული გამოცემა The Washington Times-ის მიერ ვიცე-პრემიერის, რეგიონული განვითარებისა და ინფრასტრუქტურის მინისტრის, მაია ცქიტიშვილის ინტერვიუს გამოქვეყნებასა და გამოცემის მიერ კორონავირუსის წინააღმდეგ ბრძოლის კუთხით საქართველოს წარმატებულ ქვეყნად დასახელების ფაქტს გამოეხმაურა.

მისი თქმით, ეს არის ხელისუფების მიერ განხორციელებული სწორი ქმედებების შედეგი.

„ყველასთვის საამაყო უნდა იყოს ის, რომ საქართველო საერთაშორისო საზოგადოებისა და პრესის ყურადღების ცენტრშია და სახელდება, როგორც ერთ-ერთი სამაგალითო ქვეყანა ვირუსთან ბრძოლის თვალსაზრისით. ეს, რა თქმა უნდა, არის ქვეყნის წარმატება. ეს არის ხელისუფების მიერ განხორციელებული სწორი ქმედებების შედეგი. საბოლოო ჯამში, ყველაფერი ეს გვაიმედებს და გვაფიქრებინებს, რომ ერთობლივი ძალით დავძლევთ ამ კრიზისს“,- განაცხადა კახიანმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება