საგანგებო მდგომარეობის დროს ან მისი გაუქმების შემდეგ, თბილისის მთავრობა უფლებამოსილი გახდება, თბილისის ქონებით მოსარგებლე პირებისთვის საინვესტიციო პირობების შეცვლა მოითხოვოს

საგანგებო მდგომარეობის დროს ან მისი გაუქმების შემდეგ, თბილისის მთავრობა უფლებამოსილი ხდება თბილისის საკრებულოს მიმართოს და თბილისის ქონებით მოსარგებლე პირებისთვის საინვესტიციო პირობების შეცვლა ან გაუქმება მოითხოვოს. პარლამენტმა „ადგილობრივი თვითმმართველობის კოდექსში“ შესატანი ცვლილების პროექტი მესამე მოსმენით (84 მომხრე) დაამტკიცა.

კანონპროექტის თანახმად, თბილისის მთავრობა უფლებამოსილი ხდება, საგანგებო მდგომარეობის დროს ან მისი გაუქმების შემდეგ, მიმართოს საკრებულოს და მოითხოვოს აუქციონის ფორმით პრივატიზებული თბილისის ქონების შემძენისთვის, სარგებლობის უფლებით გადაცემული ან მართვის უფლებით გადაცემული თბილისის ქონების მიმღებისთვის ამ ქონებასთან დაკავშირებული საინვესტიციო პირობის შეცვლის ან გაუქმების ან/და ფინანსური პირობის შეცვლა. ამ უფლებამოსილების გამოყენება თბილისის მუნიციპალიტეტს ეძლევა 2020 წლის 21 მარტიდან წარმოშობილ ან/და მიმდინარე სამართლებრივ ურთიერთობებზე.

როგორც კანონპროექტის განმარტებით ბარათშია მითითებული, თბილისის მთავრობის შესაბამის მოთხოვნაზე საკრებულოს თანხმობის შემთხვევაში, თბილისის ქონებით მოსარგებლე პირების მიმართ გატარდება საშეღავათო რეჟიმი. აღსანიშნავია, რომ კანონპროექტში ის ახალი მუხლი, რომელიც „ადგილობრივი თვითმმართველობის კოდექსს“ უნდა დაემატოს, იმგვარი რედაქციით არის შემოთავაზებული, რომ მასში „საშეღავათო რეჟიმის“ თაობაზე დათქმა არ წერია.

კანონპროექტის ინიციატორი საპარლამენტო უმრავლესობის წევრია კობა ლურსმანაშვილი.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!