საქართველოს პრეზიდენტმა შვეიცარიის კონფედერაციის პრეზიდენტთან პოსტკრიზისულ პერიოდში ტურიზმის განვითარების საკითხები განიხილა

საქართველოს პრეზიდენტი სალომე ზურაბიშვილი დღეს შვეიცარიის კონფედერაციის პრეზიდენტს სიმონეტა სომარუგას ესაუბრა. ამის შესახებ ინფორმაციას, საქართველოს პრეზიდენტის ადმინისტრაცია ავრცელებს.

მათივე ინფორმაციით, პრეზიდენტებმა კორონავირუსთან დაკავშირებით შვეიცარიისა და საქართველოში შექმნილი მდგომარეობა და ვირუსის წინააღმდეგ გატარებული ღონისძიებები განიხილეს.

შვეიცარიის კონფედერაციის პრეზიდენტმა საქართველოს პრეზიდენტს კორონავირუსის გავრცელების პიკის შემდგომი გეგმები გააცნო, რომელიც ეკონომიკის ეტაპობრივი გახსნითა და შემზღუდველი ზომების მოხსნის გზით განხორციელდება.

"საქართველოს პრეზიდენტმა ოკუპირებულ ტერიტორიებზე შექმნილი მდგომარეობისა და ბორდერიზაციის შესახებ ისაუბრა. სალომე ზურაბიშვილის განცხადებით, იმ პერიოდში, როცა მსოფლიოში პანდემიის გამო საერთაშორისო კრიზისია შექმნილი, მნიშვნელოვანია ვითარების დეესკალაცია. შვეიცარიის კონფედერაციის პრეზიდენტმა კიდევ ერთხელ დააფიქსირა საქართველოს ტერიტირიული მთლიანობისა და სუვერენიტეტის მხარდაჭერა.

პრეზიდენტებმა პოსტკრიზისულ პერიოდში ტურიზმის განვითარების საკითხებზეც ისაუბრეს და აღნიშნეს, რომ შვეიცარია საქართველოს მსგავსად პატარა ქვეყანაა, რომელიც დიდწილად დამოკიდებულია ტურიზმზე" , -ნათქვამია ინფორმაციაში.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება