შვეიცარიის კონფედერაციის პრეზიდენტი სიმონეტა სომარუგა სოციალურ ქსელში საქართველოს პრეზიდენტ სალომე ზურაბიშვილთან სატელეფონო საუბარს ქართულ ენაზე ეხმიანება.
როგორც შვეიცარიის კონფერენციის პრეზიდენტი "ტვიტერზე" წერს, მათ ერთმანეთს "კოვიდ19"-თან დაკავშირებით ხედვები გაუზიარეს.
"სამწუხაროდ, ვერ შევხვდი საქართველოს პრეზიდენტს სალომე ზურაბიშვილს პირადად. ვიდეო ზარით ვისაუბრეთ ორმხრივი ურთიერთობების გაღრმავებაზე, გავუზიარეთ ერთმანეთს ჩვენი ხედვა შვეიცარიის, საქართველოსა და მსოფლიოს თანამშრომლობაზე "კოვიდ-19"-ის კრიზისის დასაძლევად",- წერს სომარუგა "ტვიტერზე".
ცნობისთვის, საქართველოს პრეზიდენტი სალომე ზურაბიშვილი დღეს შვეიცარიის კონფედერაციის პრეზიდენტს სიმონეტა სომარუგას ესაუბრა. საქართველოს პრეზიდენტის ადმინისტრაციის ინფორმაციით, პრეზიდენტებმა კორონავირუსთან დაკავშირებით შვეიცარიისა და საქართველოში შექმნილი მდგომარეობა და ვირუსის წინააღმდეგ გატარებული ღონისძიებები განიხილეს.