რესპუბლიკური საავადმყოფოს გადაუდებელი მედიცინის დეპარტამენტის უფროსის თეა თავართქილაძის განცხადებით, კლინიკაში კორონავირუსით დაინფიცირებული 39 პაციენტი მკურნალობს.
როგორც მან აღნიშნა, ინფიცირებული პაციენტებიდან ორის მდგომარეობა შედარებით მძიმეა.
თეა თავართქილაძის განცხადებით, კლინიკას დღეს ახალი პაციენტები არ დამატებია.
„ამ ეტაპზე ჩვენს კლინიკაში მოთავსებულია 63 პაციენტი, საიდანაც 39 არის კოვიდინფიცირებული. გვყავდა 40 კოვიდდაინფიცირებული პაციენტი და ერთი გამოჯანმრთელდა. ასევე, გაგზავნილია რეტესტირებაზე ერთი პაციენტის პასუხი და ველოდებით. 39 ინფიცირებული პაციენტიდან ორის მდგომარეობა არის მძიმე და საყურადღებო, დანარჩენების მდგომარეობა არის სტაბილური. მართვით სუნთქვაზე არც ერთი პაციენტი არ იმყოფება. ახალი პაციენტი არ გვყავს. ველოდებით 13 ტესტის პასუხს სტაციონარიდან და 9 ტესტის პასუხს საკარანტინე ზონებიდან“, - განაცხადა თეა თავართქილაძემ.