„ალდაგის“ დასაქმებულთა დაზღვევა 20 კრიტიკულ დაავადებას და COVID19-ს ფარავს

სადაზღვევო კომპანია „ალდაგი“ ბიზნესკომპანიებს დასაქმებულთა დაზღვევას სთავაზობს, რომლითაც COVID-19-იც იფარება. ამის შესახებ „ინტერპრესნიუსს“ კომპანია „ალდაგიდან“ აცნობეს. მათი ინფორმაციით, ეს პროდუქტი კორპორატიული ბაზრისთვის შეიქმნა და გულისხმობს დასაქმებულთათვის ისეთი დაზღვევის შეთავაზებას, რომელიც ხელს შეუწყობს მათი ფინანსური დაცულობის განცდას.

დასაქმებულთა დაზღვევა აერთიანებს როგორც სიცოცხლის დაზღვევას, ისე კრიტიკული დაავადებების დაზღვევას და ამასთან ერთად, შრომისუნარიანობის შეზღუდვის დაზღვევას. პროდუქტში ყველა ის მოულოდნელი ვითარებაა გათვალისწინებული, რომლის დადგომაც, გარდა არამატერიალურისა, მნიშვნელოვან ფინანსურ ტვირთთან არის დაკავშირებული.

სიცოცხლის დაზღვევა დასაქმებულის ოჯახის მხარდასაჭერად შექმნილი პროდუქტია და მოიცავს 15 000-დან 45 000 ლარამდე თანხის ერთჯერადად ანაზღაურებას ოჯახისთვის, იმ შემთხვევაშიც თუ ადამიანი COVID19-ით ან რომელიმე სხვა მოულოდნელი მიზეზით გარდაიცვლება. კრიტიკული დაავადების შემთხვევაში 20 ყველაზე გავრცელებული კრიტიკული დაავადება იფარება, მათ შორის, სიმსივნური დაავადებები, ინფარქტი, ინსულტი და სხვა. ხოლო შრომისუუნარობის დაზღვევა გულისხმობს უბედური შემთხვევის შედეგად შრომის უნარის დაკარგვას, რომელიც ასევე ერთჯერადი თანხით ანაზღაურდება.

“გვჯერა, რომ ეს პროდუქტი ბევრ ადამიანს მოუტანს ფინანსური სტაბილურობის განცდას, მიუხედავად იმისა, რომ დარწმუნებული ვართ, ჩვენს ქვეყანას სერიოზული მსხვერპლი პანდემიის შედეგად არ მიადგება”,- აცხადებენ „ალდაგში“.

„ალდაგი“ პირველი კომპანიაა საქართველოში, რომელმაც ეს პროდუქტი ცოტა ხნის წინ თავის თანამშრომლებს სიცოცხლის სიმბოლოსთან, ლიმონის ხეებთან ერთად აჩუქა.

“გვჯერა, ცუდი არაფერი მოხდება, მაგრამ გვესმის, რომ ფინანსური დაცულობის განცდა კრიზისის დროს კიდევ უფრო მნიშვნელოვანია, ამიტომ ვეცადეთ, ჩვენი, როგორც მზღვეველისა და მზრუნველის როლი, ასე გამოგვეხატა. სხვა ბიზნესებსაც მოვუწოდებთ, მოგვბაძონ და თანამშრომლები დააზღვიონ”-, აცხადებს ალდაგის გენერალური დირექტორი გიორგი ბარათაშვილი.

აღსანიშნავია, რომ თანამშრომელთა დაზღვევის რამდენიმე პაკეტი არსებობს და მისი ფასი ერთეული თანამშრომლის შემთხვევაში 11 ლარიდან იწყება.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ტერაბანკმა FMO-სგან გრძელვადიანი დაფინანსება მიიღო
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს