ესპანეთში კორონავირუსისგან 106 წლის ქალი გამოჯანმრთელდა. ამის შესახებ ადგილობრივი მედია იუწყება. ქალი, სახელად ანა, პროვინცია კადისში ცხოვრობს. ის 1913 წელს არის დაბადებული და ესპანური გრიპის სახელით ცნობილ პანდემიას მოესწრო. ცნობილია, რომ ეს პირველი შემთხვევა არ არის, როდესაც ხანდაზმული ადამიანი კოვიდინფექციისგან განიკურნა.
9 აპრილს ნიდერლანდების მცხოვრები კორნელია რასი პირველი ასეთი ასაკოვანი პაციენტი იყო, რომელიც ვირუსისგან განიკურნა. საავადმყოფოდან გაწერის დროს, ის 107 წლის იყო. რამდენიმე დღის წინ, ამ დაავადებისგან ასევე განიკურნა 106 წლის ქალი დიდი ბრიტანეთიდან. გამოჯანმრთელებულებს შორის არიან 104 და 102 წლის ქალები და 101 წლის მამაკაცი იტალიიდან.