ბელგიის პრემიერ-მინისტრმა სოფი ვილმესმა ქვეყანაში კორონავირუსის გამო 12 მარტს დაწესებული მკაცრი შეზღუდვების თანდათან მოხსნის გეგმა წარადგინა, - ამის შესახებ ინფორმაციას „ბიბისი“ ავრცელებს.
გეგმის თანახმად, ბელგიაში 11 მაისს ყველა მაღაზია გაიხსნება, სკოლებში კი სასწავლო პროცესი 18 მაისს განახლდება, თუმცა თითოეულ კლასში 10 მოსწავლეზე მეტი არ დაიშვება.
კაფეებისა და რესტორნების გახსნა 8 ივნისამდე არ იქნება ნებადართული.
ახალი რეგულაციების თანახმად, 12 წლის ასაკიდან მოქალაქეები ვალდებულები არიან, საზოგადოებრივ ტრანსპორტში პირბადეები ატარონ.
ბელგიაში კორონავირუსის 44 000 შემთხვევაა დადასტურებული. გარდაიცვალა 6 400-ზე მეტი მოქალაქე.