თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელის, მარეხი ბექაიას განმარტებით, კვლევისთვის გაგზავნილი 39 ნიმუშიდან, 26-ის შემთხვევაში კორონავირუსული ინფექციის არსებობა არ დადასტურდა. კლინიკაში დღეს კიდევ 13 ანალიზის პასუხს ელიან.
„კლინიკაში არის 51 პაციენტი, ცხვირ-ხახის 39 ნაცხი იქნა გაგზავნილი კვლევაზე. მიღებულია 26 უარყოფითი პასუხი, 13 კვლევაში რჩება და ჯერჯერობით პასუხები მიღებული არ არის. დანარჩენ ახალშემოსულ პაციენტებს აუღებენ ანალიზებს. დაწყებულია პაციენტების გადაყვანა პროფილურ კლინიკებსა და საკარანტინო სივრცეებში,“- განაცხადა მარეხი ბექაიამ.
მან ამასთანავე აღნიშნა, რომ თბილისის ზღვის ჰოსპიტალში უკვე მეხუთე დღეა კოვიდინფექციაზე დადებითი პასუხი არ დაფიქსირებულა.