დავით ბაქრაძე - იმ ვითარებაში, როდესაც არსებობს ალბათობა, რომ რადაში ხმების არარსებობის გამო, სააკაშვილს ისედაც არ დაამტკიცებენ, საქართველოს ხელისუფლების განცხადებებით გამოწვეული ზიანი დარჩება და დააზიანებს ურთიერთობებს

„ევროპული საქართელოს“ ლიდერის დავით ბაქრაძის განცხადებით, საქართველოს ხელისუფლების მხრიდან უკრაინის მისამართით გაკეთებული განცხადებები, საქართველოს სახელმწიფო ინტერესებს აზიანებს. ბაქრაძის თქმით, საქართველო და უკრაინა საერთო მტრის წინააღმდეგ იბრძვის და არ შეიძლება პირადი, პარტიული თუ პოლიტიკური ინტერესების გამო ამ ურთიერთობის კითხვის ნიშნის ქვეშ დაყენება.

დავით ბაქრაძემ ხელისუფლებასა და ოპოზიციას მოუწოდა, უკრაინის შიდა პოლიტიკური საკითხი საქართველოში დაპირისპირების საგანი არ გახადონ.

„ხელისუფლების ეს განცხადებები პირდაპირ აზიანებს საქართველოს სახელმწიფო ინტერესებს. უკრაინასთან სავაჭრო ურთიერთობები და უკრაინული ტურიზმი იქნება ერთ-ერთი გადამწყვეტი ქართული ეკონომიკის კრიზისიდან გამოსაყვანად.

უკრაინა არის ლოკომოტივი საქართველოს ნატო-სა და ევროკავშირში გაწევრიანების პროცესში. ჩვენ ორივე ვიბრძვით საერთო მტრის წინააღმდეგ. დაუშვებელია ამ ყველაფრის კითხვის ნიშნის ქვეშ დაყენება პარტიული, პირადი თუ პოლიტიკური ინსტერესების გამო, მითუმეტეს, იმ ვითარებაში, როდესაც დღეის მდგომარეობით არსებობს მაღალი ალბათობა, რომ უკრაინის რადაში ხმების არარსებობის გამო, მიხეილ სააკაშვილს ისედაც არ დაამტკიცებენ, მაგრამ ხელისუფლების ამ განცხადებებით გამოწვეული ზიანი დარჩება და დააზიანებს ქართულ -უკრაინულ ურთიერთობებს.

ამიტომ, მინდა, მოვუწოდო ხელისუფლებას, კატეგორიულად შეწყვიტონ საქართველოს სახელმწიფო ინტერესების დამაზიანებელი განცხადებების გაკეთება, ხოლო ხელისუფლებასა და ოპოზიციასაც ვთხოვო, ნუ გადმოიტანენ უკრაინული შიდა პოლიტიკის საკითხებს ქართული დაპირისპისრების თემად იმიტომ, რომ ამით ზიანდება საქართველოს სახელმწიფო ინტერესები,“- განაცხადა დავით ბაქრაძემ.

ცნობისთვის, საქართველოს პარლამენტის თავმჯდომარე არჩილ თალაკვაძემ უკრაინის ,,ვერხოვნა რადას" სპიკერს, დმიტრო რაზუმკოვს საქართველოს ყოფილი პრეზიდენტის, მიხეილ სააკაშვილის უკრაინის ვიცე-პრემიერად შესაძლო დანიშვნასთან დაკავშირებით, წერილით მიმართა. როგორც წერილშია ნათქვამი, სააკაშვილის შესაძლო დანიშვნა ჩრდილს მიაყენებს პოლიტიკურ თანამშრომლობას მთავრობებს შორის და ერთობლივ ძალისხმევას.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება