თენგიზ ცერცვაძის განცხადებით, „პლაქვენილის“ გამოყენება ხდება საშუალო სიმძიმის, მძიმე და განსაკუთრებით მძიმე პაციენტებთან

თბილისის ინფექციური საავადმყოფოს გენერალური დირექტორის, თენგიზ ცერცვაძის განცხადებით, „პლაქვენილის“ გამოყენება ხდება საშუალო სიმძიმის, მძიმე და განსაკუთრებით მძიმე პაციენტებთან. ამის შესახებ თენგიზ ცერცვაძემ ჟურნალისტებს პირველ საუნივერისტეტო კლინიკაში მედიკოსებთან შეხვედრის შემდეგ განუცხადა.

როგორც ცერეცვაძემ აღნიშნა, შეხვედრაზე საუბარი შეეხო კორონავირუსით დაინფიცირებული პაციენტებისთვის განკუთვნილ მედიკამენტებსაც.

„შეხვედრაზე იყო საუბარი ამ ბოლო დროს პოპულარულ მედიკამენტზე, „პლაქვენილზე“, რომელიც ქართულ პროტოკოლში შედის და რჩება ოფიციალურად. ოღონდ რჩება ისე, როგორც იქ წერია და არა ისე, როგორც მის ინტერპრეტაციას ზოგიერთები აკეთებენ. ის უნდა დაენიშნოს საშუალო სიმძიმის, მძიმე და განსაკუთრებით მძიმე პაციენტებს. ეს ფორმულირება ეყრდნობა ამერიკის წამლის და საკვები პროდუქტების ადმინისტრაციის ოფიციალურ რეკომენდაციას. ამ ორგანიზაციის შემოკლებული აბრევიატურაა FDA და ეს არის მსოფლიოში ყველაზე ავტორიტეტული და ფაქტობრივად უმაღლესი ინსტანცია, რომელიც წყვეტს რომელი მედიკამენტი რომელი დაავადების დროს უნდა იქნას გამოყენებული ან არ უნდა იქნას. ამ ბოლო დროს ყველაზე იმედისმომცემ მედიკამენტად მიჩნეულ „რემდესივირზე“ გამოქვეყნდა ცნობები, რომ მან ვერ უჩვენა ეფექტურობა კვლევებში. ურთიერთგამომრიცხავი შედეგები ვრცელდება, მაგრამ სანამ FDA ოფიცალურად თვლის, რომ ეს მედიკამენტი უნდა იყოს პროტოკოლში, ის დარჩება პროტოკოლში. როგორც კი დაიდება რამე ახალი მედიკამენტის შესახებ მტკიცებულებები, რომ ის ამას სჯობს, ჩვენ ამას გამოვეხმაურებით“, - განაცხადა ცერცვაძემ.

ამასთან, ცერცვაძის განმარტებით, მცდარია ინფორმაცია, თითქოს კარანტინში მყოფი პირები „პლაქვენილს“ იღებენ.

„პლაქვენილს არ ვიყენებთ უსიმპტომო პაციენტებში, არ ვიყენებთ მცირე სიმპტომიანებში და მით უმეტეს, არ ვიყენებთ საპროფილაქტიკოდ. აშკარად არასწორი რამე დაიწერა, რომ "პლაქვენილს" კარანტინში მყოფებსაც კი აძლევენო. გამორიცხულია, კარანტინში მყოფ არცერთ პიროვნებას „პლაქვენილი“ არ მიუღია. ასე, რომ ჩვენთან "პლაქვენილის" გამოყენება შეესაბამება FDA-ს მკაცრ რეკომენდაციებს. ის რეკომენდაციას იძლევა, რომ ჰოსპიტალის გარეთ ის არ იქნას გამოყენებული,“ - აღნიშნა მან.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა