გიორგი ტყემალაძე - თბილისის საკრებულო სოციალურად დაუცველი, მრავალშვილიანი ოჯახების დახმარების კამპანიას აგრძელებს

თბილისის საკრებულოს თავმჯდომარე გიორგი ტყემალაძემ და თბილისის მერმა კახა კალაძემ, მერის მოადგილეებთან ერთად, სოციალური ქსელის საშუალებით, საზოგადოებას მერიისა და საკრებულოს მიერ პანდემიის წინააღმდეგ გატარებული ღონისძიებები გააცნეს. ამის შესახებ „ინტერპრესნიუსს“ თბილისის საკრებულოს პრესსამსახურიდან აცნობეს.

გიორგი ტყემალაძის თქმით, თბილისის საკრებულომ, კერძო სექტორთან ერთად, სოციალურად დაუცველი, მრავალშვილიანი (ოთხი და მეტი შვილი) ოჯახების დახმარების კამპანია დაიწყო, რომელსაც საქართველოში აკრედიტებული დიპლომატიური კორპუსის წარმომადგენლები და ფიზიკური პირებიც შეუერთდნენ. მისივე განცხადებით, კამპანიის ფარგლებში, საკვები პროდუქტები და პირველადი მოხმარების ნივთები 1300 - მდე ოჯახს გადაეცა.

გარდა ამისა, როგორც საკრებულოს თავმჯდომარემ განაცხადა, დედაქალაქის წარმომადგენლობითი ორგანოს უმრავლესობის წევრები „ქართული ოცნების“ ინიციატივას შეუერთდნენ და მათი შრომითი ანაზღაურებიდან 1/3-ს კორონავირუსის წინააღმდეგ საბრძოლველად შექმნილ ფონდში 3 თვის განმავლობაში გადარიცხავენ.

„თბილისის საკრებულო სოციალურად დაუცველი, მრავალშვილიანი ოჯახების დახმარების კამპანიას აგრძელებს. ამ მძიმე ვითარებისას ჩვენ ავიღეთ პასუხისმგებლობა, რომ დავეხმაროთ სოციალურად დაუცველ მრავალშვილიან ოჯახებს, რომლებსაც ოთხი და მეტი შვილი ჰყავთ. კამპანიაში აქტიურად ჩაერთვნენ დიპლომატიური კორპუსის და კერძო კომპანიების წარმომადგენლები და სწორედ მათი მხარდაჭერით, ჩვენ უკვე 1300-მდე ოჯახს დავეხმარეთ. მინდა, მადლობა გადავუხადო თითოეულ მათგანს მაღალი სოციალური პასუხისმგებლობის გამოჩენისთვის. კამპანია კვლავ გაგრძელდება და ჩვენ მივალთ ყველა იმ ოჯახში, ვისაც ჩვენი დახმარება სჭირდება,“- განაცხადა გიორგი ტყემალაძემ.

თბილისის საკრებულოს თავმჯდომარემ მადლობა გადაუხადა ჯანდაცვის სფეროსა და თბილისის მუნიციპალიტეტის ყველა იმ წარმომადგენელს, რომლებიც ასეთ დროს ქვეყნისა და მოქალაქეების კეთილდღეობისთვის თავდაუზოგავად შრომობენ.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის