საქართველოს პრეზიდენტი სალომე ზურაბიშვილი ტელეფონით ისრაელის პრეზიდენტს რუვენ რივლინს ესაუბრა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

მათი ინფორმაციით, პრეზიდენტებმა საქართველოსა და ისრაელში კორონავირუსთან დაკავშირებით შემქნილი მდგომარეობა განიხილეს და პოსტკრიზისულ პერიოდში რამდენიმე კონკრეტული მიმართულებით თანამშრომლობის საკითხებზე შეთანხმდნენ.

„სალომე ზურაბიშვილისა და რუვენ რივლინის განცხადებით, მნიშვნელოვანია ქვეყნებს შორის მჭიდრო თანამშრომლობა კორონავირუსის საწინააღმდეგო ვაქცინის შექმნაზე და პოსტკრიზისულ პერიოდში, ტურიზმის სფეროში თანამშრომლობის უფრო გააქტიურებასა და გაღრმავებაზე. აღინიშნა, რომ საქართველოსათვის ასევე მნიშვნელოვანია, ისრაელის მაღალტექნოლოგიური სექტორის გამოცდილების გაზიარება”, - ნათქვამია გავრცელებულ განცხადებაში.