ლევან ბოძაშვილი - ვანო მერაბიშვილის განცხადება, რომ „ორ გვამში“ რუსებს გულისხმობდა, გამოყენებული იქნება რუსეთის მიერ მიმდინარე საერთაშორისო საქმეებზე და რთულ მდგომარეობაში აყენებს ქართულ სახელმწიფოს
უშიშროების საბჭოს მდივნის ყოფილი მოადგილის, ლევან ბოძაშვილის შეფასებით, შინაგან საქმეთა ყოფილი მინისტრი, ვანო მერაბიშვილი საკუთარი განცხადების საფუძველზე, რომლის მიხედვითაც, ის „ორ გვამში“ რუსებს გულისხმობდა, ფატუ ბენსუდას ოფისის პოტენციური მოწმე და მტკიცებულება გახდა.
როგორც ლევან ბოძაშვილი განმარტავს, დაუფიქრებელი მოქმედებები და განცხადებები მაშინაც მძიმე მდგომარეობაში აგდებდა ქვეყანას და ახლაც.
„ვანო მერაბიშვილის განცხადება, რომ ორ გვამში რუსებს გულისხმობდა, არაპირდაპირ მტკიცებულებას აჩენს ჰააგის სისხლის სამართლის სასამართლოსათვის. ეს განცხადება გამოყენებული იქნება რუსეთის მიერ ყველა მიმდინარე საერთაშორისო, ან შემდგომ პოტენციურ საქმეებზე და რთულ მდგომარეობაში აყენებს ქართულ სახელმწიფოს. თავადაც, მერაბიშვილის ასეთი დაუფიქრებელი მოქმედებები და განცხადებები ხელისულების უმაღლესი პირების მხრიდან მაშინაც მძიმე მდგომარეობაში აგდებდა ქვეყანას და ახლაც, საკუთარი პოლიტიკური რეაბიტირების მიზნით უგუნურად არის გამოყენებული საკუთარი ქვეყნის წინააღმდეგ“, - აცხადებს ბოძაშვილი.
