საქართველო უახლოეს საათებში გერმანიიდან და ჩინეთიდან სწრაფი ტესტების დიდ პარტიას ელოდება

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, დღეს, გერმანიიდან ქვეყანაში 15 000 ტესტი შემოვა.

როგორც გამყრელიძე განმარტავს, ტესტების მარაგს ხვალ დილით უკვე ჩინეთიდან ელოდებიან.

„ჩინეთში ჩვენს საელჩოს მინდა ძალიან დიდი მადლობა გადავუხადო, რომ ძალიან გვეხმარებიან. ერთ-ერთი ჩარტერით, ხვალ ტესტების დიდი პარტია ჩამოდის. ახლაც, როცა პირდაპირ ეთერში ვართ, დაახლოებით, 15 000-მდე ტესტი გერმანიიდან ვარშავის ჩარტერით მოდის, იმ ჩარტერით, რომელსაც ჩვენი თანამემამულეები ევროპიდან გადმოჰყავს. ეს თვითმფრინავი ბათუმში დაჯდა და ბათუმიდან უკვე თბილისში გამოფრინდა და მალე თბილისში იქნება. ამ წუთისთვის მარაგში 9 000-მდე ტესტია, ხვალ დილისთვის, როცა ვარშავის ჩარტერი დაჯდება თბილისში, ეს იქნება ასული 21 000-მდე, ხვალ ღამე, როცა ჩინეთის ჩარტერი ჩამოვა თბილისში, ტესტების რაოდენობა ავა 60 000-მდე, მაისის დასაწყისამდე 100 000 ტესტის გარანტია არის ქვეყანაში და უკვე დავიწყეთ მუშაობა, შემდეგ 100 000-ზე, რომ მაისში და ივნისში ეს თამასა დავიჭიროთ“, - განაცხადა გამყრელიძემ.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა