საფრანგეთში კორონავირუსით გასული დღე-ღამის განმავლობაში კიდევ 437 ადამიანი გარდაიცვალა. ჯანდაცვის სამინისტროს განცხადების თანახმად, ვირუსით ქვეყანაში ამ დრომდე სულ 23 293 ადამიანია გარდაცვლილი.

რაც შეეხება ინფიცირებულებს, ამჟამად დაავადებული 95 000-მდე ადამიანიდან, საავადმყოფოებში მკურნალობას 28 055 პაციენტი გადის, მათგან 4 608 პაციენტი ინტენსიური თერაპიის განყოფილებაში მკურნალობს. ქვეყანაში ვირუსისგან 45 000-ზე მეტი ადამიანი განიკურნა.

საფრანგეთში კორონავირუსი სულ 163 000-მდე ადამიანს გამოუვლინდა.