დღეიდან ახალი ზელანდია კორონავირუსის გავრცელების შეჩერების მიზნით დაწესებული შეზღუდვების ნაწილს ხსნის. ჰიგიენური ნორმებისა და დისტანციის დაცვით ქვეყანაში ჯანმრთელობასთან დაკავშირებული ცენტრები და სკოლები მუშაობას აახლებს. ამასთან, დღეიდან რესტორნებსა და კაფეებს შეეძლებათ მოსახლეობას სახლში მიტანის სერვისი შესთავაზონ.

ახალი ზელანდიის პრემიერ-მინისტრის, ჯასინდა არდერნის თქმით, ბოლო დღეების განმავლობაში ქვეყანაში კორონავირუსის შემთხვევები მნიშვნელოვნად შემცირდა, მაგრამ მოსახლეობამ სოციალური დისტანციისა და ჰიგიენის წესები აუცილებლად უნდა დაიცვას. „დარჩით სახლში, რათა კორონავირუსის გავრცელების მე-2 ტალღა თავიდან ავიცილოთ“,-განაცხადა მან.

ბოლო მონაცემებით, ახალ ზელანდიაში კორონავირუსის 1 472 შემთხვევა დაფიქსირდა, ვირუსს 19 ადამიანი ემსხვერპლა.