ფინანსთა მინისტრის განცხადებით, სახელმწიფო  Covid-19 -თან ბრძოლისთვის, მათ შორის კარანტინის სერვისზე, ასევე სამედიცინო მიზნებისა და დამცავი საშუალებებისთვის 350 მილიონ ლარს დახარჯავს

ფინანსთა მინისტრის, ივანე მაჭავარიანის განცხადებით, სახელმწიფო Covid-19 -თან ბრძოლისთვის, მათ შორის კარანტინის სერვისზე, ასევე სამედიცინო მიზნებისა და დამცავი საშუალებებისთვის 350 მილიონ ლარს დახარჯავს. ამის შესახებ მან დღეს გამართულ პრეზენტაციაზე განაცხადა.

მისივე თქმით, ეკონომიკისა და ბიზნესის მხარდაჭერისთვის 2020 წლისთვის ჯამურად გამოიყოფა 500 მილიონი ლარი.

„აქ ლომის წილი მოდის საკრედიტო - საგარანტიო სქემაზე 300 მილიონი ლარი, ხოლო დანარჩენი 200 მილიონი ლარი იმ პროგრამების მიხედვით, რომელზეც ვისაუბრეთ. მიგვაჩნია, რომ 1-1.2 მილიარდის ფარგლებში ჩვენ შევძლებთ დავუბრუნოთ ბიზნესს. ეს ყველაფერი რომ შევაჯამოთ, მოქალაქეებზე პირდაპირი გაწეული დახმარებები, მათ შორის სოციალური მხარდაჭერა შეადგენს მილიარდ ლარზე მეტს, დაახლოებით 1.35 მილიარდს. ეკონომიკაზე და ბიზნესზე მხარდაჭერილი ღონისძიებების ერთობლობა გვაძლევს ჩვენ 2.1 მილიარდ ლარს.

ხოლო საკუთრივ ჯანდაცვასთან დაკავშირებული ხარჯები განისაზღვრება 350 მილიონი ლარით. ეს არის უშუალოდ Covid-19-თან ბრძოლის ხარჯები. როგორც სამედიცინო, ისე საკარანტინო და ისე დამცავი საშუალებების ხარჯები ერთობლიობაში", - განაცხადა მაჭავარიანმა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე