პენტაგონი ამოუცნობი მფრინავი ობიექტის ვიდეოს ოფიციალურად ასაჯაროებს. აღნიშნული მასალა, ცოტა ხნით ადრე ერთ-ერთმა კერძო კომპანიამ გამოაქვეყნა, თუმცა მისი ავთენტურობა დადასტურებული არ იყო.
ვიდეოში ჩანს მფრინავი ობიექტები, რომლებიც დიდი სისწრაფით მოძრაობენ და ისმის გადამღები პირების რეაქციები ნანახთან დაკავშირებით.
კლასიფიცირებული პროგრამების ხელმძღვანელი ლუის ელიზონდო „სიენენთან“ საუბარში აცხადებს, რომ მსგავსი ტიპის გამოგონება არც აშშ-ს და არც სხვა ქვეყნებს არ აქვთ.
„ეს სავარაუდოდ იმის მტკიცებულებაა, რომ ჩვენ მარტო არ ვართ. ეს საჰაერო ხომალდი, მოდი ასე დავარქმევ, აჩვენებს ისეთ მახასიათებლებს, რომლებიც არც აშშ-ს და ჩვენი ინფორმაციით, არც სხვა ქვეყნებს არ გამოუგონიათ“,-აღნიშნა ელიზონდომ.