საქართველოს პრეზიდენტი იტალიის რესპუბლიკის პრეზიდენტს ტელეფონით ესაუბრა

საქართველოს პრეზიდენტი იტალიის რესპუბლიკის პრეზიდენტს ტელეფონით ესაუბრა.

პრეზიდენტებმა კორონავირუსთან დაკავშირებით საქართველოსა და იტალიაში შექმნილი ვითარების შესახებ ინფორმაციის გაცვლის შემდეგ აღნიშნეს, რომ პანდემიამ ხელი არ უნდა შეუშალოს საქართველო - იტალიას შორის მჭიდრო თანამშრომლობას ეკონომიკის, მედიცინის, ტურიზმისა და სოფლის მეურნეობის სექტორებს შორის.

საქართველოს პრეზიდენტის ადმინისტრაციის ინფორმაციით, იტალიის პრეზიდენტმა მაღალი შეფასება მისცა პანდემიასთან ბრძოლისას საქართველოს მიერ გატარებულ ღონისძიებებსა და მიღწევებს.

საქართველოს პრეზიდენტის განცხადებით, კორონავირუსით გამოწვეული კრიზისის პირობებში როგორც ქვეყნებს შორის მჭიდრო თანამშრომლობის პარალელურად მნიშვნელოვანია ასევე, სოლიდარობა ფინანსური თვალსაზრისითაც.

აღინიშნა, რომ მნიშვნელოვანია იმ თანამშრომლობის გაძლიერება, რომელიც ორი ქვეყნის ჯანდაცვის ეროვნულ ცენტრებს შორის, იტალიის პრეზიდენტის საქართველოში ვიზიტისას, დადებული ხელშეკრულების საფუძველზე მიმდინარეობს.

როგორც საუბრისას აღინიშნა, საჭიროა, კორონავირუსის საწინააღმდეგო ვაქცინის შექმნისათვის თანამშრომლობა, რათა უზრუნველყოფილი იყოს მასზე საყოველთაო ხელმისაწვდომობა.

მხარეებმა ტურიზმისა და სოფლის მეურნეობის სექტორში თანამშრომლობის საკითხებზეც ისაუბრეს და როგორც სეტჯიო მატარელამ აღნიშნა, 2018 წელს საქართველოში ვიზიტისას კიდევ ერთხელ დარწმუნდა, რომ საქართველოს სოფლის მეურნეობისა და ტურიზმის მიმართულებით დიდი პოტენციალი გააჩნია.

საქართველოს პრეზიდენტმა იტალიელ კოლეგასთან საქართველოს ოკუპირებული ტერიტორიებზე შექმნილი მძიმე მდგომარეობისა და ბორდერიზაციის საკითხთან დაკავშირებით ისაუბრა. სერჯიომატარელამ კიდევ ერთხელ დააფიქსირა საქართველოს ტერიტორიული მთლიანობის, სუვერენიტეტისა და ევროპული ინტეგრაციის მიმართ იტალიის მტკიცე მხარდაჭერა.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება