დავით ბაქრაძე - 3 მილიარდიან ნახევრიანი პაკეტი საკმარისი არ არის, ჩვენი გეგმა 6 მლრდ ლარის დახმარებას ითვალისწინებს

„ევროპული საქართველოს“ ლიდერმა დავით ბაქრაძემ ხელისუფლების მიერ წარდგენილი ეკონომიკური ანტიკრიზისული გეგმა გააკრიტიკა და განაცხადა, რომ საქართველოს ხელისუფლება უმუშევრად დარჩენილ ადამიანებს იმაზე ნაკლებ თანხას აძლევს, ვიდრე ეს საარსებო მინიმუმია. როგორც მან დღეს გამართულ ბრიფინგზე განაცხადა, „ევროპული საქართველოს“ გეგმა 6 მილიარდი ლარის დახმარებას ითვალისწინებს.

„ხანგრძლივი პაუზისა და დაგვიანების შემდეგ, ხელისუფლებამ ეკონომიკური ანტიკრიზისული გეგმა წარადგინდა. წარდგენის პირველივე დღიდან ამ გეგმამ ძალიან ბევრი კითხვის ნიშანი გააჩინა- რამდენად ადეკვატურია ეს გაჭირვებულ მდგომარეობაში მყოფი მოსახლეობის დასახმარებლად და რამდენად შეძლებს ეს გეგმა საქართველოს ეკონომიკის კრიზისიდან გამოყვანას.

ჩვენ, „ევროპულ საქართველოს“ თავიდანვე კრიტიკული დამოკიდებულება გვქონდა ამ გეგმის მიმართ და დღეს კიდევ ერთხელ საზოგადოებას წარვუდგენთ შედარებას, თუ რა უნდა ყოფილიყო, რა არ არის ხელისუფლების გეგმაში და რა არის „ევროპული საქართველოს“ ხედვა. ჩვენი შეფასებით, ეკონომიკის კრიზისიდან გამოსაყვანად და მოსახლეობის დასახმარებლად, 3 მილიარდიან ნახევრიანი პაკეტი საკმარისი არ არის და ჩვენი გეგმა 6 მილიარდი ლარის დახმარებას ითვალისწინებს. სად მიდის ეს 6 მილიარდი? პირველი და ძალიან მნიშვნელოვანი, უხელფასოდ და უმუშევრად დარჩენილი ძალიან ბევრი ადამიანის დასახმარებლად. ხელისუფლება მათ 6 თვის განმავლობაში 200 ლარს ჰპირდება. შეგახსენებთ, რომ საქართველოში, მარტში საარსებო მინიმუმი 206 ლარია, ანუ საქართველოს ხელისუფლება უმუშევრად დარჩენილ ადამიანებს იმაზე ნაკლებ თანხას აძლევს, ვიდრე ეს საარსებო მინიმუმია“,-განაცხადა ბაქრაძემ.

მისი შეფასებით, დღეს უხელფასოდ დარჩენილი ადამიანები საშუალო კლასს წარმოადგენენ და თუ ხელისუფლება მათ მხოლოდ საარსებო მინიმუმით დაეხმარება, ეს ნიშნავს, რომ საშუალო კლასი სოციალურად დაუცველი ადამიანების კატეგორიაში იქნება.

„ეს ნიშნავს იმას, რომ ამ ქვეყანაში აღარ იარსებს საშუალო კლასი, რომელზეც ქვეყნის ეკონომიკური და სოციალური სტაბილურობა დგას. ქვეყანაში გვეყოლება ძალიან ცოტა მდიდარი ადამიანი და ძალიან ბევრი ღარიბი. აღარ იქნება საყრდენი, რომელზეც ქვეყნის სტაბილურობა დგას. ამიტომ, ჩვენი ხედვით, 8 თვის განმავლობაში ხელფასის ან დანაკლისის 50% უნდა აუნაზღაურდეთ ამ ადამიანებს, რათა ამით საშუალო კლასი გადავარჩინოთ“,-განაცხადა ბაქრაძემ.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება