გლობალური მასშტაბით არის დანახული ბატონი ბიძინას ქველმოქმედება, მართლაც, საკუთარი ქვეყნისთვის, ერისთვის ამ დონის, ამ მასშტაბის ქველმოქმედება უპრეცედენტოა მთელ მსოფლიოში,- ასე ეხმიანება „ქართული ოცნების“ დეპუტატი დავით მათიკაშვილი The Telegraph-ის მიერ გამოქვეყნებულ სტატიას.

დეპუტატი აღნიშნავს, რომ ივანიშვილის მიერ გაცემული ქველმოქმედება საერთაშორისო პარტნიორებისგან და გამოცემებისგან შესაბამისად არის აღქმული.

„როგორც მოგეხსენებათ, ბატონი ბიძინა ივანიშვილის ქველმოქმედება 90 -იანი წლებიდან დღემდე მართლაც უპრეცედენტო მასშტაბის არის საკუთარი ხალხის და ერის მიმართ. ეს არაერთგზის იქნა დაფიქსირებული და აღქმული შესაბამისად, ჩვენი საერთაშორისო პარტნიორების და არაერთი გამომცემლობის მიერაც. რაც შეეხება კონკრეტულ გამოცემას, ცოტა გლობალური მასშტაბით არის დანახული ბატონი ბიძინას ქველმოქმედება, სადაც მართლაც საკუთარი ქვეყნისთვის, ერისთვის ამ დონის, ამ მასშტაბის ქველმოქმედება უპრეცედენტოა მთელ მსოფლიოში, რისთვისაც ძალიან დიდი მადლობა ბატონ ბიძინა ივანიშვილს და ყველა იმ ადამიანს ვინც ბატონ ბიძინა ივანიშვილთან ერთად ამ ფონდში თანხები გაიღო და დაეხმარა ჩვენს ქვეყანას კორონავირუსის წინააღმდეგ ბრძოლაში,“- განაცხადა მათიკაშვილმა.

შეგახსენებთ, The Telegraph-ის მიერ გამოქვეყნებულ სტატიაში აღნიშნულია, რომ პანდემიის წინააღმდეგ ქველმოქმედთა სიაში ბიძინა ივანიშვილი ყველაზე მსხვილი დონორია.