დავით მათიკაშვილი – იმ დანაშაულებრივი ქმედებებიდან გამომდინარე, რომელიც სააკაშვილს საკუთარი ერის და ქვეყნის წინაშე აქვს ჩადენილი, ის არ უნდა დაინიშნოს არც ერთ თანამდებობაზე

იმ დანაშაულებრივი ქმედებებიდან გამომდინარე, რომელიც სააკაშვილს საკუთარი ერის და ქვეყნის წინაშე აქვს ჩადენილი, ის არ უნდა დაინიშნოს არც ერთ თანამდებობაზე არც ერთ ქვეყანაში. ეს ცხადია, მათი სუვერენული უფლებაა, თუმცა ჩვენ, როგორც საქართველოს ხელისუფლება, ამ ნაბიჯს ადეკვატურად აღვიქვამთ, - ამის შესახებ საპარლამენტო უმრავლესობის წევრმა დავით მათიკაშვილმა განაცხადა, რითაც გამოეხმაურა საქართველოს ყოფილი პრეზიდენტის მიხეილ სააკაშვილის უკრაინის ვიცე-პრემიერად შესაძლო დანიშვნას.

მათიკაშვილის თქმით, ის დარწმუნებულია, რომ უკრაინის „ვერხოვნა რადას“ დეპუტატები საქართველოს მიმართ „არამეგობრულ ნაბიჯს“ არ გადადგამენ.

„ჩვენი არაერთი კოლეგის მიერ შესაბამისი წერილი იქნა გაგზავნილი უკრაინის „ვერხოვნა რადას“ დეპუტატებთან და ხელისუფლების სხვა წარმომადგენლებთან, სადაც მიხეილ სააკაშვილის დანაშაულებრივი ქმედებებია აღწერილი, ასევე ის, რომ საქართველოს სასამართლოების მიერ მის მიმართ გამოტანილია არაერთი გამამტყუნებელი განაჩენი. სტრასბურგის სასამართლომ ერთ-ერთი განაჩენი მიიჩნია იმის მანიშნებლად, რომ მიხეილ სააკაშვილი ძალადობრივი რეჟიმის შემადგენელ ნაწილს წარმოადგენდა. ეს გასათვალისწინებელია ჩვენი უკრაინელი კოლეგების მიერ. ამ ყველაფრის ფონზე მიხეილ სააკაშვილის რაიმე თანამდებობაზე დანიშვნა არამეგობრული და არაკეთილმეზობლური ნაბიჯი იქნება საქართველოს მიმართ. ღრმად ვარ დარწმუნებული, რომ ჩვენი უკრაინელი კოლეგები მათთვის ძალიან ახლო და მეგობრული ქვეყნის მიმართ ასეთ ნაბიჯს არ გადადგამენ. იმ დანაშაულებრივი ქმედებებიდან გამომდინარე, რომელიც სააკაშვილს საკუთარი ერის და ქვეყნის წინაშე აქვს ჩადენილი, ის არ უნდა იქნეს დანიშნული არც ერთ თანამდებობაზე არც ერთ ქვეყანაში. ეს ცხადია, მათი სუვერენული უფლებაა, თუმცა ჩვენ, როგორც საქართველოს ხელისუფლება, ამ ნაბიჯს ადეკვატურად აღვიქვამთ", - განაცხადა მათიკაშვილმა.

იხილეთ ვიდეო:დავით მათიკაშვილი მიიჩნევს, რომ მიხეილ სააკაშვილის უკრაინის მთავრობაში რაიმე თანამდებობაზე დანიშვნა დაუშვებელია

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის