დიდ ბრიტანეთში კორონავირუსით გარდაცვლილთა რიცხვი კიდევ 4 419-ით გაიზარდა, თუმცა როგორც ქვეყანის ჯანდაცვის სამსახური განმარტავს, მათ გარდაცვლილთა სტატისტიკაში პირველად შეიყვანეს საავადმყოფოებს ფარგლებს გარეთ, მოხუცთა თავშესაფრებსა და სხვა დაწესებულებებში დაღუპულთა რაოდენობაც. ამ დრომდე დიდი ბრიტანეთი მხოლოდ საავადმყოფოებში დაღუპულთა შესახებ ავრცელებდა ყოველდღიურ ინფორმაციას.
ამგვარად, ქვეყნის ხელისუფლების ინფორმაციით, 2 მარტიდან 28 აპრილის პერიოდში, ჯამში ქვეყანაში კორონავირუსით 26 097 ადამიანი დაიღუპა.
ამ მონაცემით, დიდმა ბრიტანეთმა კორონავირუსით გარდაცვლილთა რიცხვით მსოფლიოში აშშ-ისა და იტალიის შემდეგ უკვე მესამე ადგილზე გადაინაცვლა და გადაასწრო ესპანეთისა და საფრანგეთის მაჩვენებელს.