კოვიდინფექციის გავრცელების რისკები კვლავ ძალაში რჩება. აქედან გამომდინარე, მოქალაქეებმა აუცილებლად უნდა დაიცვან მოთხოვნები, - ამის შესახებ ჯანდაცვის მინისტრმა ეკატერინე ტიკარაძემ ჟურნალისტებს განუცხადა.

მისი თქმით, ის ფაქტი, რომ კოვიდინფიცირებულების რაოდენობის ზრდა კონტროლირებადია, საქართველოს მოდუნების უფლებას არ აძლევს.

„მოთხოვნის სახით კვლავ რჩება სოციალური დისტანციის მკაცრი დაცვა. ამ დროის მონაცემებით, ჯერჯერობით კოვიდინფექციის დაფიქსირების კუთხით კონტროლირებადი ზრდა გვაქვს, მაგრამ ეს არ აძლევს მოდუნების საშუალებას არც საქართველოს და არც სხვა ქვეყნებს. კოვიდინფექციის გავრცელების რისკები კვლავ ძალაში რჩება. აქედან გამომდინარე, ჩვენმა მოქალაქეებმა აუცილებლად უნდა დაიცვან ყველა ის მოთხოვნა, რომელიც სახელმწიფოს მხრიდან არის დადგენილი,“ - განაცხადა ტიკარაძემ.