კახა კალაძე - სრული პასუხისმგებლობით ვამბობ, „ანას ბაღს“ არანაირი საფრთხე არ ემუქრება, მშენებლობა, რომელიც მიმდინარეობს, ბაღთან შემხებლობა არ აქვს

დედაქალაქის მერის, კახა კალაძის განცხადებით, ვარკეთილში მდებარე „ანას ბაღთან“ მშენებლობაზე ნებართვა თავის დროზე სწორად გაიცა და მშენებლობის გაგრძელებით ბაღს პრობლემა არ შეექმნება.

როგორც კალაძემ ჟურნალისტებს განუცხადა, მისი მერობის პერიოდში ქალაქში არსებულ სკვერებში მშენებლობა ვერ მოხდება და იმ პროექტს, რომელიც „ანას ბაღთან“ ხორციელდება, პარკთან კავშირი არ აქვს.

„ეს კერძო კომპანიებსა და კონკრეტულ ადამიანებს შორის დავა იყო. ის შემიძლია ვთქვა, რომ თავის დროზე, როდესაც ნებართვა იყო გაცემული, სწორად იყო გაცემული და თვითონ „ანას ბაღს“ არანაირი პრობლემა არ შეექმნება. ჩვენ ვართ ის ადამიანები, რომლებიც ყოველთვის დავიცავთ რეკრეაციულ სივრცეებს და არ მოხდება ის, რაც წლების განმავლობაში ხდებოდა ქალაქში- პარკების, სკვერების ნაცვლად ხდებოდა შენობა-ნაგებობების განთავსება. ვაკის პარკი არის ერთ-ერთი საუკეთესო მაგალითი, ასევე, კუს ტბის მიმდებარე ტერიტორია, სადაც გაცემული იყო ნებართვები მშენებლობისთვის. ჩვენ ის ხელისუფლება ვართ, რომელმაც ეს მშენებლობები შეაჩერა. სკვერებში, პარკებში ვერანაირი მშენელობა ვერ მოხდება, ვიდრე მე ვარ ქალაქის ხელმძღვანელი. „ანას ბაღს“ არანაირი საფრთხე არ ემუქრება, სრული პასუხისმგებლობით ვამბობ, იმ მშენებლობას, რომელიც მიდინარეობს „ანას ბაღთან“ შემხებლობა არ აქვს“,- განაცხადა კალაძემ.

ცნობისთვის, როგორც გუშინ „ანას ბაღის“ დამცველმა აქტივისტებმა განაცხადეს, სააპელაციო სასამართლოს გადაწყვეტილებით გაუქმდა პირველი ინსტანციის მიერ მიღებული მშენებლობის შეჩერების გადაწყვეტილება და "ანას ბაღთან" მშენებლობის გაგრძელების ნება დართო მშენებელს დავის დასრულებამდე.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება