თბილისის საკრებულოს კომპანია ,,თბილქიმფარმამ’’ სადეზინფექციო და ანტისეპტიკური ხსნარები გადასცა

დედაქალაქის საკრებულოს სარევიზიო კომისიის თავმჯდომარის, რიმა ბერაძის ინიციატივით, სააქციო საზოგადოება ,,თბილქიმფარმამ’’ წარმომადგენლობით ორგანოს პანდემიის პრევენციული აქტივობების ფარგლებში, სადეზინფექციო და ანტისეპტიკური ხსნარები გადასცა. ამის შესახებ „ინტერპრესნიუსს“ თბილისის საკრებულოდაც აცნობეს.

თბილისის საკრებულოს უმრავლესობის წევრმა, რიმა ბერაძემ კომპანიას გაწეული დახმარებისთვის მადლობა გადაუხადა და განაცხადა, რომ ქვეყანაში შექმნილი ვითარებიდან გამომდინარე, სხვადასხვა კომპანიების დახმარება ძალიან მნიშვნელოვანია.

„დღეს დედაქალაქის საკრებულოს კომპანია ,,თბილქიმფარმამ’’ სადიზინფექციო ხსნარები უსასყიდლოდ გადასცა, რისთვისაც მათ დიდი მადლობა მინდა გადავუხადო. ქვეყანაში არსებული პანდემიის ფონზე, სადეზინფექციო საშუალებებზე მოთხოვნა განსაკუთრებით გაიზარდა და მათ ჩვენ საჭიროებისამებრ გამოვიყენებთ“,- განაცხადა რიმა ბერაძემ.

,,თბილქიმფარმას“ სამეთვალყურეო საბჭოს თავმჯდომარის გოგა სულუხიას განცხადებით კი, ქართული წარმოების სადეზინფექციო ხსნარების წარმოება კომპანიამ არსებული მდგომარეობის გათვალისწინებით გადაწყვიტა. მისივე თქმით, კომპანიამ სადეზინფექციო საშუალებების გადაცემა თბილისის საკრებულოსთვის გადაწყვიტა, რათა მათ პროდუქტი საჭიროებისამებრ გამოიყენონ. ,,წარმოდგენილი სადეზინფექციო პრეპარატი შესაბამისი წესისა და კანონის მიხედვით დამტკიცდა და ის 75 %-იანი სპირტის ბაზაზეა დამზადებული, ამასთანავე, შემოწმებულია ლუგარის ლაბორატორიაშიც ’’, - განაცხადა გოგა სულუხიამ.

სადეზინფექციო და ანტისეპტიკური ხსნარების გადაცემის პროცესს თბილისის საკრებულოს თავმჯდომარე გიორგი ტყემალაძე და საკრებულოს უმრავლესობის წევრები ესწრებოდნენ.

სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ქართული პრესის მიმოხილვა 21.06.2021
ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
20 ივნისის მოვლენებთან დაკავშირებით, კახა ოქრიაშვილი სპეციალურ განცხადებას ავრცელებს
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს