ნათია თურნავა - ჩვენ ვიქნებით ქვეყანა, რომელიც ერთ-ერთი პირველი გახსნის უსაფრთხო დერეფნებს სხვა ქვეყნებთან და კვლავ აღდგება ტურისტების მიმოსვლა, მაგრამ განსაკუთებული შრომა გვმართებს

გვაქვს შანსი, რომ საქართველო წლის დასასრულიდან გახდეს უსაფრთხო დანიშნულების ადგილი. ჩვენ ვიქნებით ქვეყანა, რომელიც ერთ-ერთი პირველი გახსნის უსაფრთხო დერეფნებს სხვა ქვეყნებთან,- ამის შესახებ ეკონომიკისა და მდგრადი განვითარების მინისტრმა ნათია თურნავამ ეკონომიკის მხარდამჭერი გეგმის პრეზენტაციისას განაცხადა.

მისი თქმით, ეკონომიკის სამინისტრო ტურიზმისთვის სპეციფიურ ანტიკრიზისულ გეგმაზე მუშაობს, რადგან შექმნილი მდგომარეობიდან გამომდინარე ტურიზმს განსაკუთრებული მხარდაჭერა სჭირდება. თურნავას განცხადებით, ქართული ტურიზმის ინდუსტრია პანდემიის შემდგომი მოთხოვნების მიმართ უნდა შემზადდეს, იმიტომ, რომ „ახალი ტურიზმი აღარ იქნება ისეთი ტრადიციული, როგორიც იყო“.

„ტურიზმის სექტორი არის ერთ-ერთი ის ინდუსტრია, რომელსაც დღეს სჭირდება შველა, გვერდში დგომა. ტურიზმი დღემდე იყო ძალიან დიდი სიკეთის შემომტანი ჩვენს ეკონომიკაში, ძალიან დიდი დამსაქმებელი, მთლიანად საქართველოს ედგა გვერდში და ახლა ჩვენი გვერდში დგომა სჭირდება მას. თუკი სხვა ბიზნესები უფრო მალე ამოიქოქება, ტურიზმში, გამომდინარე იქიდან, რომ ყველა ქვეყანა ერთნაირად ვერ დაძლევს პანდემიას და ჯერ კიდევ იქნება შეზღუდვები, განსხვავებული სირთულე არსებობს. სწორედ ამიტომ, პრემიერ-მინისტრის დავალებით ტურიზმისთვის ვამზადებთ სპეციფიურ ანტიკრიზისულ გეგმას, განსხვავებულ ანტიკრიზისულ გეგმას. ჩვენ ყოველდღიურ რეჟიმში გვაქვს კომუნიკაცა ტურიზმის ინდუსტრიასთან, ეს არაა მხოლოდ სასტუმროები, ეს არის ძალიან დიდი სეგმენტი გიდების, რომლებსაც დღეს ძალიან გაუჭირდათ, ეს არის ძალიან დიდი სეგმენტი ტურ-ოპერატორების, სატრანსპორტო კომპანიების, რომლებიც ტურისტების სხვადასხვა ღირსშესანიშნავ ადგილებში ტარებით იყო დაკავებული, ამიტომ მათ სჭირდებათ განსახვავებული გეგმა და მაშინ ჩვენ გვაქვს შანსი, რომ საქართველო წლის დასასრულიდან გახდეს უსაფრთხო დანიშნულების ადგილი. ახალი ტურიზმი აღარ იქნება ისეთი ტრადიციული, როგორიც იყო, ახალი მოთხოვნები დაისმება ტურიზმის მიმართ, ყველაფერი უნდა გავაკეთოთ, რომ ჩვენი ტურისტული ინდუსტრია შევამზადოთ პოსტკორონა პერიოდის მოთხოვნების მიმართ. ჩვენ ვიქნებით ქვეყანა, რომელიც ერთ-ერთი პირველი გახსნის უსაფრთხო დერეფნებს სხვა ქვეყნებთან და კვლავ აღდგება ტურისტების მიმოსვლა მაგრამ ჩვენ გვმართებს განსაკუთებული შრომა. ეს გეგმა მუშავდება და მთავრობაში შეთანხმების შემდეგ გახდება ცნობილი, ჩვენი ტურისტული სექტორისთვის“,- განაცხადა თურნავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს