ნათია თურნავა - მცირე ბიზნესის ხმა არ უნდა იკარგებოდეს, ჩვენ  მაინც ორიენტირებულები ვართ მცირე და საშუალო ბიზნესის და მიკრობიზნესის დახმარებაზე

მცირე ბიზნესის ხმა არ უნდა იკარგებოდეს და ამიტომ, ჩვენ დღესაც მაინც ორიენტირებულები ვართ მცირე და საშუალო ბიზნესის და მიკრობიზნესის დახმარებაზე, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

მისი თქმით, ეს არ ნიშნავს იმას, რომ მსხვილი კომპანიების პრობლემები არ უნდა განიხილონ და ისინი ამ საკითხებს აუცილებლად გაივლიან.

„როდესაც ვსაუბრობთ გლობალურ კრიზისზე, თანაბარი სიმძიმის პრობლემა უდგას ყველა ბიზნეს სუბიექტს საქართველოში, ვინც კი ჩვენთან საქმიანობს. მსხვილ ბიზნესს თავისი მოცულობით უფრო მხვილი პრობლემები დაუგროვდა და მოკლევადიანი ლიკვიდობის პრობლემა მათაც დაუდგა. სამწუხაროდ, შეფერხდა ბევრი საინტერესო მსხვილი პროექტი, რომელსაც კერძო ბიზნესი ახორციელებდა, რაც კარგი არ არის. მომავალი ეკონომიკური ზრდა 2021 წელს, სულ მცირე 4%, რასაც პროგნოზირებდნენ საერთაშორისო საფინანსო ორგანიზაციები, მათ შორის ამ პროექტებზეც იყო დაყრდნობილი. თუმცა ჩვენ ყოველთვის ტრადიციულად, ჩვენი პროგრამების ობიექტივში გვყავდა მცირე და საშუალო ბიზნესი, პირველ რიგში იმიტომ, რომ მცირე და საშუალო ბიზნესი უფრო მოწყვლადია, მსხვილ ბიზნესს არასდროს უჭირს ნებისმიერ ქვეყანაში, რომ ხმა მიაწვდინოს მთავრობას. მცირე ბიზნესის ხმა არ უნდა იკარგებოდეს და ამიტომ, ჩვენ დღესაც მაინც ორიენტირებულები ვართ მცირე და საშუალო ბიზნესის და მიკრობიზნესის დახმარებაზე. ჩვენი ეკონომიკა, მიუხედავად დიდი როლისა მსხვილი ბიზნესებისა და მსხვილი კორპორაციების, მაინც დგას მცირე და საშუალო ბიზნესებზე. ეს არ ნიშნავს იმას, რომ მსხვილი კომპანიების პრობლემები არ უნდა განვიხილოთ და არ უნდა მივიტანოთ გულთან ახლოს, რადგან კიდევ ერთხელ ვამბობ, ძალიან მნიშვნელოვანი პროექტები შეიძლება შეფერხდეს თუ კი მათ დაუდგათ ლიკვიდურობის პრობლემები. ჩვენ ამ საკითხებსაც გავივლით, ჩვენ ვართ გახსნილები, მაგრამ მსხვილ კომპანიებს ყოველთვის უფრო მეტი პასუხისმგებლობა აკისრიათ, აქედან გამომდინარე, ჩვენ მცირე ბიზნესთან მიმართებაში დახმარებაზე ვსაუბრობთ, მსხვილ ბიზნესთან მიმართებაში ჩვენ პარტნიორობაზე ვსაუბრობთ. ჩვენ ვიქნებით მათი პარტნიორები და მათი მხრიდანაც ასეთ პარტნიორულ ურთიერთობებს ველოდებით და ვიღებთ“, - განაცხადა ნათია თურნავამ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება