სხვადასხვა ტიპის გადაუდებელი სამუშაოს ჩატარების გამო, 4 მაისს ელექტროენერგიის მიწოდება თბილისის რამდენიმე რაიონს დროებით შეეზღუდება. ამის შესახებ „ინტერპრესნიუსს“ „თელასიდან“ აცნობეს.
კომპანიის ინფორმაციით, კრწანისის რაიონში, გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გორგასლის ქუჩის (ნაწილობრივ) მცხოვრებლებს.
სამგორის რაიონში, გადაუდებელი სამუშაოების გამო 11:00 საათიდან 16:00 საათამდე შეზღუდვა შეეხება: ვარკეთილის III მასივის ზემო პლატოს, ზემო ალექსეევკის დასახლების, სოფელი დიდი ლილოს, ქართველიშვილის, კონსტანტინე ანდრიაძის, რომანოზ ხომლელის და აბაშვილის ქუჩების მცხოვრებლებს.
საბურთალოს რაიონში, გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ყაზბეგის გამზირის მცხოვრებლებს. კომპანია „GWP“-ის მიერ სატუმბო სადგურზე „ბახტრიონი“ ჩასატარებელი სამუშაოების გამო 15:00 საათიდან 18:00 საათამდე ელექტრომომარაგების შეზღუდვა შეეხება: იყალთოს მთის, იყალთოს, ბახტრიონის, კოსტავას (ნაწილობრივ), კუტუზოვის, გამრეკელის, მგალობლიშვილის, საბურთალოს, ტაშკენტის და სულხან ცინცაძის ქუჩების მცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.