გიგა ბოკერია - არანაირი ეფექტური დახმარება არ ხდება მათი, ვინც ხელფასი დაკარგა

„ევროპული საქართველოს“ ერთ-ერთი ლიდერის გიგა ბოკერიას შეფასებით, ეკონომიკისა და მდგრადი განვითარების სამინისტროს მიერ წარდგენილ ეკონომიკის მხარდამჭერი გეგმის პრეზენტაციაზე არანაირი სიახლე არ ყოფილა.

ბოკერიას განცხადებით, დახმარება იმ ადამიანებისთვის, ვინც სამსახური დაკარგა, არაფექტურია. მისივე თქმით, ყოველთვიური 200 ლარი საშუალო კლასისთვის საკმარისი არ არის.

რაც შეეხება არაფორმალურად დასაქმებულ პირებზე 300-ლარიან ერთჯერად დახმარებას, ბოკერია მას ქაოტურს და ბუნდოვანს უწოდებს.

„სამწუხაროდ, არანაირი სიახლე არ არის. გადასახადების დაწევა არ ხდება, რომ ტვირთი შეუმსუბუქონ მეწარმეებს და მოქალაქეებს. ადამიანებს საპენსიო ფონდში შეტანილი ფულის დაბრუნების შანსსაც კი არ აძლევენ და არც ამ გადასახადს აჩერებენ. არანაირი ეფექტური დახმარება არ ხდება, ვინც ხელფასი დაკარგა. 200 ლარი არაფერი არ არის საშუალო კლასისთვის და საშუალო კლასის ჩამოქცევა ფინანსურად ყველაფერზე ახდენს გავლენას. თვითდასაქმებულებზე კრიტერიუმები არის ქაოტური, ბუნდოვანი კორუფციის რისკებით და ისიც მხოლოდ მათ ნაწილს შეეხება. იტოვებენ შესაძლებლობებს, რომ ვითომ თვითონ გადაწყვიტონ, რომელ ბიზნესს როდის დაეხმარებიან. ეს არის კატასტროფული ვითარება, რაც გვაქვს. ის, რომ ივანიშვილის მთავრობის წარმომადგენელს არ ესმის, რომ ასეთ ჩავარდნილ თემებზე ოპოზიციის კრიტიკა თავისუფალი საზოგადოების ნაწილია და ამას უწოდებს პროვოკაციას, ეს არ მიკვირს, სამწუხაროდ. ეს არის მათი დამოკიდებულება და ეს დამოკიდებულება არის ერთ-ერთი ფაქტორი, რატომ აყენებენ ჩვენს ქვეყანას ზიანს. არ ესმით რამხელა პასუხისმგებლობა აქვთ და სამწუხროდ, ამ ფასს გადავიხდით სანამ ასეთი მთავრობა გვყავს ივანიშვილის სახით“, - განაცხადა ბოკერიამ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება