საქართველოს საგარეო ურთიერთობათა კომიტეტის თავმჯდომარის, ირაკლი ბერაიას განცხადებით, ოკუპირებულ რეგიონებში ჰუმანიტარული თვალსაზრისით მძიმე მდგომარეობაა.
მისივე განცხადებით, მოქალაქეებს არ ეძლევათ გაადგილების შესაძლებლობა, მათ შორის მკურნალობის მიზნითაც კი.
„ოკუპირებულ რეგიონებში ჰუმანიტარული თვალსაზრისით შექმნილია უმძიმესი ვითარება, რაც გამოწვეული არის ოკუპაციის შედეგად დაწესებული უკანონო შეზღუდვებით. ჩვენს მოქალაქეებს ცენტრალური ხელისუფლების კონტროლირებად ტერიტორიაზე არ ეძლევათ გადაადგილების შესაძლებლობა განსაკუთრებით, მკურნალობის მიზნით. ეს არის ის დიდი ფასი, რომელსაც ჩვენი მოქალაქეები სამწუხაროდ, ყოველდღიურად იხდიან ოკუპაციის შედეგად“, - აცხადებს ბერაია, რომლის კომენტარსაც საქართველოს პარლამენტის პრესსამსახური ავრცელებს.