ლალი ტურძელაძე - კორონავირუსით გარდაცვლილი მამაკაცის მეუღლეც ჩვენთან რეანიმაციულ განყოფილებაში იმყოფება, ისიც უმძიმესი პაციენტია, ქრონიკული დაავადებებით

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის, ლალი ტურძელაძის ინფორმაციით,კორონავირუსით გარდაცვლილი მეშვიდე პაციენტის მეუღლეც დაინფიცირებულია და მათ კლინიკაში მკურნალობს. ამის შესახებ ტურძელაძემ „პალიტრანიუსის“ გადაცემაში „360 გრადუსი“ განაცხადა.

მისივე თქმით, გარდაცვლილი მამაკაცის მეუღლის მდგომარეობა უმძიმესია.

„მისი მეუღლე ჩვენთან წევს. უმძიმესია ისიც, ასაკოვანი ქალბატონია. მასაც აღენიშნება თანმდევი ქრონიკული დაავადებები და ისიც რეანიმაციურ განყოფილებაში იმყოფება ჩვენთან. მაგრამ ისეთი მძიმე, როგორიც გარდაცვლილი მამაკაცი იყო, არ არის“, - განაცხადა ლალი ტურძელაძემ.

ცნობისთვის, საქართველოში კორონავირუსისგან გარდაცვლილთა რიცხვი 7-მდე გაიზარდა. კორონავირუსით გარდაცვლილი მეშვიდე პაციენტი 83 წლის მამაკაცია, რომელსაც მძიმე თანხლები დაავადებები ჰქონდა.

ქვეყანაში კორონავირუსით ინფიცირებულთა საერთო რაოდენობა 566-ს შეადგენს. მათგან გამოჯანმრთელებულია 207 ადამიანი. კარანტინის რეჟიმშია - 5320 პირი. სტაციონარში მეთვალყურეობის ქვეშ - 548. უცხოეთიდან სამკურნალოდ გადმოყვანილია საქართველოს 3 მოქალაქე.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს