ვენესუელაში ციხის ამბოხის დროს სულ მცირე 40 ადამიანი დაიღუპა და 50-ზე მეტი დაშავდა. ამბოხი პენიტენციურ დაწესებულებაში პროტესტით დაიწყო. პატიმრები ახლობლების დაშვებას ითხოვდნენ, რომლებიც საკვებს მიაწვდიდნენ. პროტესტი ციხის თანამშრომლებთან დაპირისპირებაში გადაიზარდა.

„ესოშიეითიდ პრესის“ ინფორმაციით, პატიმრებმა ასაფეთქებელი მოწყობილობები გამოიყენეს, რის შედეგადაც ეროვნული გვარდიის ერთი წევრი დაიღუპა. ამბოხი ქალაქ განარეში, დედაქალაქ კარაკასიდან დაახლოებით 450 კილომეტრის მანძილზე მოხდა.

ცნობისთვის, ვენესუელას სასჯელაღსრულების დაწესებულებებში დაახლოებით 110 000 პატიმარი იმყოფება. უფლებადამცველი ორგანიზაციების თანახმად, ციხეებში ხდება იარაღის უკონტროლო ყიდვა-გაყიდვა, ასევე ციხეები ძალიან გადატვირთულია.