ეკა ადამია - კლინიკები, რომლებსაც სახელმწიფო დაფინანსება შეუწყდათ, თუ ვერ შეძლებენ სხვა საქმიანობის წარმოებას და სახელმწიფო პროგრამის გარეთ ფუნქციონირებას, ალბათ დაიხურება

ის კლინიკები, რომლებსაც სახელმწიფო დაფინანსება შეუწყდათ, თუ ვერ შეძლებენ სხვა საქმიანობის წარმოებას და სახელმწიფო პროგრამის გარეთ ფუნქციონირებას, ალბათ დაიხურება, - ამის შესახებ ჯანდაცვის სამინისტროს ჯანდაცვის დეპარტამენტის პროგრამების სამმართველოს უფროსმა, ეკა ადამიამ „ინტერპრესნიუსთან“ ინტერვიუში განაცხადა.

რაც შეეხება მედპერსონალის სამსახურის გარეშე დარჩენას, როგორც ადამია განმარტავს, ამ კლინიკებში დასაქმებული მედპერსონალისთვის, რა თქმა უნდა, შეთავაზებული იქნება სხვა კლინიკებში ვაკანსიები.

„თუ პროგრამაში დარჩენილ სამედიცინო დაწესებულებებს ბენფიციარების ოდენობა ეზრდება, რა თქმა უნდა, ექიმების ზრდის საჭიროება დაუდგებათ. შესაბამისად, მედპერსონალს დასაქმების შესაძლებლობა და შანსი ექნებათ. მათ ექნებათ პროგრამაში დარჩენილი კლინიკებისგანაც შემოთავაზებები და თვითონაც ექნებათ ამის შესაძლებლობა რომ შესთავაზონ. ოჯახის ექიმების დეფიციტია რეალურად ქვეყანაში, მიუხედავად ჭარბი რაოდენობისა. არის გამოცხადებული კონკრეტულ დაწესებულებებში ვაკანსია და იქ კადრი არ შემოდის. ნამდვილად შეიძლება ითქვას, რომ მათ პრობლემები არ უნდა ჰქონდეთ სხვა დაწესებულებაში დასაქმების მხრივ," -განაცხადა ადამიამ.

კითხვაზე იმ კლინიკებს, რომლებიც სახელმწიფო პროგრამის გარეთ დარჩნენ, ემუქრებათ თუ არა დახურვა, როგორც ადამია განმარტავს, ისინი თუ ვერ შეძლებენ სხვა საქმიანობის წარმოებას და სახელმწიფო პროგრამის გარეთ ფუნქციონირებას, ალბათ დაიხურება.

„სახელმწიფო დაფინანსების პირობებში ნათლად იყო გაწერილი, რომ მათ სერვისი უნდა მიეწოდებინათ ბენეფიციარისთვის და იმიტომ უნდა ყოფილიყო სახელმწიფო პროგრამის მიმწოდებელი და არა იმიტომ, რომ თავი შეენახა და ალაგ-ალაგ სისხლის ანალიზი გაეკეთებინა ბენეფიციარისთვის. ასეთ შემთხვევაში, კლინიკა უბრალოდ ვერ შეძლებდა ამ რაოდენობის ბენეფიციარით ამ სერვისის მიწოდებას. ამიტომ იქნა ეს გადაწყვეტილება მიღებული, სახელმწიფო ფული არამიზნობრივად არ უნდა დაიხარჯოს და სახელმწიფო ფული მიმართული უნდა იყოს ბენეფიციარის მომსახურებისკენ," - განაცხადა ადამიამ.

შეგახსენებთ, რომ ჯანდაცვის სამინისტროს გადაწყვეტილებით, სახელმწიფო პროგრამაში მონაწილეობას თბილისში, ბათუმსა და ქუთაისში, ჯამში, 56 სამედიცინო დაწესებულება აღარ გააგრძელებს. ამ დაწესებულებებით დაახლოებით, 90 ათასი ადამიანი სარგებლობდა, რომლებიც სხვა, გეოგრაფიულად მათთვის ხელმისაწვდომ დაწესებულებებში გადანაწილდებიან.

იხილეთ ინტერვიუ სრულად

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა