ეკა ადამია - სრულიად  შესაძლებელია, რომ სახელმწიფო პროგრამაში დარჩენილმა კლინიკამ გაზრდილი პაციენტების რაოდენობა ისე მართოს, რომ რიგების პრობლემა არ იყოს

სრულიად შესაძლებელია, რომ სახელმწიფო პროგრამაში დარჩენილმა კლინიკამ გაზრდილი პაციენტების რაოდენობა მართოს ისე, რომ აქ არ იყოს რიგების პრობლემა, -ამის შესახებ "ინტერპრესნიუსთან" ინტერვიუში ჯანდაცვის სამინისტროს ჯანდაცვის დეპარტამენტის პროგრამების სამმართველოს უფროსმა, ეკა ადამიამ განაცხადა. მისივე თქმით, სწორედ ამიტომ დარჩნენ პროგრამაში ის კლინიკებიც, რომლებსაც 7000-დან -13 ათასამდე ბენეფიციარი ჰყავთ.

"სწორედ ამიტომ მივიღეთ გადაწყვეტილება, რომ 7000-დან -13 ათასამდე ბენეფიციარის მქონე დაწესებულებებსაც მივცეთ დაფინანსება. 13 ათასის ზემოთ მყოფი კლინიკები კი არ გავამსხვილოთ დამატებით და შევქმნათ დიდი თავმკომბალები, არამედ გეოგრაფიული ხელმისაწვდომობის მიხედვით, ამ პროგრამაში დარჩენილებს მივცეთ დამატებითი განვითარების შესაძლებლობა, რომ ამ ლოკაციაზე გვქონდეს ასევე მსხვილი ერთეულები, რომლებიც ამ ნაკადებსაც გაუძლებენ და არც ისეთი რიგები არ იქნება, რაც შეიძლება იყოს დიდი და მსხვილი ცენტრების შემთხვევაში. სავსებით შესაძლებელია, რომ კლინიკამ გაზრდილი პაციენტების რაოდენობა მართოს ისეთნაირად, რომ აქ არ იყოს რიგების პრობლემა. არსებული მსხვილი კლინიკების მაგალითზე შეიძლება ეს ვთქვათ. ამ დაწესებულებებს, რომლებიც 7000-იდან - 13 ათასამდე ბენეფიციარი ჰყავთ, ამათზე გაკეთდა ძირითადი აქცენტი, რომ ამ დაწესებულებებს, ამ ეტაპზე, მიეცეთ დამატებითი შესაძლებლობა, რომ მათ განივითარონ თავი", - განაცხადა ეკა ადამიამ.

იხილეთ ინტერვიუ სრულად

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის