ფილიპინების ციხეებიდან 10 000 პატიმარი გაათავისუფლეს. აღნიშნული გადაწყვეტილება ხელისუფლებამ სასჯელაღსრულების დაწესებულებებში კორონავირუსის გავრცელების გამო მიიღო.
ვირუსის ყველაზე მეტი შემთხვევა კუნძულ სებუს სასჯელაღსრულების დაწესებულებაში გამოვლინდა, სადაც ვირუსი 345 პატიმარს დაუდგინდა.
ამ დროისთვის, ფილიპინებში 450-ზე მეტი საპატიმროა, სადაც დაახლოებით 136 000 პირი იხდის სასჯელს. დღეის მდგომარეობით, ფილიპინებში კორონავირუსის 8 928 შემთხვევაა გამოვლენილი. ვირუსს ქვეყანაში 603 ადამიანი ემსხვერპლა.