ბოლნისის მუნიციპალიტეტის სოფელ მუშევანიდან თბილისში გადმოყვანილი 10 პირიდან 8 თბილისის ინფექციურ საავადმყოფოში მოათავსეს. პირველადი ტესტირებით, 7 პირს კოვიდინფექცია დაუდასტურდა, ერთის კვლევა კი მიმდინარეობს.
ცნობისთვის, გუშინ, სოფელ მუშევანში დაპირისპირება მაშინ მოხდა, როდესაც ადგილზე კორონავირუსით ინფიცირებული პაციენტების კლინიკაში გადასაყვანად ჯგუფი მივიდა. ათივე პირი დღეს თბილისში სამკურნალო დაწესებულებებში გადმოიყვანეს.
შინაგან საქმეთა სამინისტრომ ბოლნისის სოფელ მუშევანში მომხდარ ინციდენტთან დაკავშირებით გამოძიება დაიწყო. როგორც “ინტერპრესნიუსს” უწყებაში განუცხადეს, გამოძიება სსკ-ს 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.