თბილისის ზღვის ჰოსპიტალში მოთავსებული პაციენტებიდან 31-ის ტესტის პასუხი უარყოფითია

თბილისის ზღვის ჰოსპიტალის კლინიკური ხელმძღვანელის, კახა ბეროზაშვილის განცხადებით, კორონავირუსზე 31 პაციენტის ტესტის პასუხი მიიღეს და ყველა უარყოფითია. როგორც მან ჟურნალისტებს განუცხადა, 2 პაციენტი მართვით სუნთქვაზეა, რაც თანდართული დაავადების გართულებითაა განპირობებული.

„ჩვენს კლინიკაში ამჟამად 53 პაციენტია, აქედან მიღებულია 31 პაციენტის პასუხი და ყველა უარყოფითია. ახლა იწყება პაციენტების გადაყვანა და სახლში გაშვება - ნაწილი კარანტინში გადავა, ნაწილი კი, თვითიზოლაციაში. ძირითადად, პაციენტების ჯანმრთელობის ზოგადი მდგომარეობა საშუალო და მსუბუქი ფორმისაა. რამდენიმე პაციენტი რეანიმაციულ განყოფილებაშია მოთავსებული. 2 პაციენტი მართვით სუნთქვაზეა, ეს თანმხლები დაავადების გართულებითაა განპირობებული. პაციენტების უმრავლესობის ჯანმრთელობის მდგომარეობა სტაბილურია. ძირითადად, ჩვენთან პაციენტები სასწრაფო დახმარებისა და კატასტროფის ბრიგადას მოჰყავს, თუმცა არის შემთხვევები, როცა მოსახლეობა თვითდინებითაც შემოდის“, - განაცხადა ბეროზაშვილმა.

ცნობისთვის, საქართველოში კორონავირუსით ინფიცირების შემთხვევათა რაოდენობა კიდევ 7-ით გაიზარდა და 589 შეადგინა. 589 ადამიანიდან 215 გამოჯანმრთელებულია, ხოლო 8 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება