დღეს, კოვიდ 19-თან ბრძოლის უპრეცედენტო პირობებში, სწორი და დროული ინფორმაცია განსაკუთრებულ მნიშვნელობას იძენს, - ამის შესახებ საქართველოში გაეროს წარმომადგენლობის განცხადებაშია აღნიშნული.

განცხადებას გაეროს წარმომადგენლობა პრესის საერთაშორისო დღესთან დაკავშირებით ავრცელებს.

„პრესის თავისუფლების საერთაშორისო დღესთან დაკავშირებით გვინდა განსაკუთრებული პატივისცემა გამოვხატოთ ყველა ქართველი ჟურნალისტისა და მედიის წარმომადგენლის მიმართ, ვინც წინა ხაზზეა და დაუღალავად შრომობს, რათა საზოგადოებას სწორი და სასიცოცხლოდ მნიშვნელოვანი ინფორმაცია მიაწოდოს კოვიდ-19 კრიზისზე. დღეს, კოვიდ-19-თან ბრძოლის უპრეცედენტო პირობებში, სწორი და დროული ინფორმაცია განსაკუთრებულ მნიშვნელობას იძენს”, - ნათქვამია გაეროს წარმომადგენლობის განცხადებაში.