სალომე ზურაბიშვილი ჩრდილოეთ მაკედონიის პრეზიდენტს ესაუბრა

საქართველოს პრეზიდენტი სალომე ზურაბიშვილი დღეს ჩრდილოეთ მაკედონიის პრეზიდენტს სტევო პენდაროვსკის ვიდეოზარის საშუალებით ესაუბრა.

პრეზიდენტის ადმინისტრაციის ინფორმაციით, პრეზიდენტებმა პანდემიით შექმნილი მდგომარეობა განიხილეს. სტევო პენდაროვსკიმ მაღალი შეფასება მისცა საქართველოს მიერ კორონავისრუსის წინააღმდეგ გატარებულ ღონისძიებებს და აღნიშნა, რომ საქართველოში ასეთი დაბალი ლეტალური შემთხვევების დონე, სწორედ საქართველოს ხელისუფლების შედეგიანი და ეფექტიანი ბრძოლის ნიშანია.

პრეზიდენტებმა კორონავირუსის გავრცელების გამო ახალი მსოფლიო წესრიგის შესახებ იმსჯელეს და პოსტკრიზისულ პერიოდში ურთიერთობების განვითარების მიმართულებები, ეკონომიკის ეტაპობრივი გახსნის სტრატეგია, საქართველოს როლი, სავაჭრო და სატრანსპორტო დერეფნის თვალსაზრისით შავი ზღვის მნიშვნელობა და შავი ზღვის უსაფრთხოების საკითხები განიხილეს.

როგორც სალომე ზურაბიშვილმა საქართველოს ევროპული ინტეგრაციის პროცესის განხილვისას აღნიშნა, ევროკავშირთან მომავალი ურთიერთობები საქართველომ სწორედ, აღნიშნული კრიზისის კონტექსტში უნდა განიხილოს. საქართველოს ერთადერთი გზა ევროპაა, რასაც საფუძვლად ქართველი ხალხის ურყევი ნება უდევს.

"საქართველოს პრეზიდენტმა სტევო პენდაროვსკის ჩრდილოეთ მაკედონიის ნატოში გაწევრიანება მიულოცა და აღნიშნა, რომ ეს, ჩრდილოეთ მაკედონიის ნატოში გაწევრიანების შემდეგ, საქართველოსთვის მნიშვნელოვანი იმედის მომცემია.

ხაზგასმით აღინიშნა კრიზისის პერიოდში საერთაშორისო სოლიდარობის მნიშვნელობა. საქართველოს პრეზიდენტმა კოლეგას საქართველოს ოკუპირებული ტერიტორიებზე არსებული რთული ჰუმანიტარული ვითარებისა და ბორდერიზაციის პროცესის მიმდინარეობის შესახებ მიაწოდა ინფორმაცია.

საუბრის ბოლოს საქართველო პრეზიდენტმა სტევო პენდაროვსკი პანდემიით გამოწვეული კრიზისის დასრულების შემდეგ საქართველოში მოიწვია" , - ნათქვამია ინფორმაციაში, რომელსაც პრეზიდენტის ადმინისტრაცია ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება