სერგი კაპანაძე - კრიზისის დაძლევის გზებზე მთავრობისგან ქილიკისა და სადღეგრძელოების გარდა რეაქცია არ გვინახავს

„ევროპულ საქართველოს“ ბევრი კითხვა დაუგროვდა პრემიერ-მინისტრ გახარიასთან. ამ კითხვების დასმა ჩვენ გვინდოდა მაშინ, როდესაც საგანგებო მდგომარეობა გრძელდებოდა, მაგრამ მან კეთილი არ ინება და პარლამენტში არ მოვიდა. მხოლოდ თავისი თანამშრომელი გამოგზავნა, რითაც პარლამენტთან დაკავშირებით უპატივცემულობა გამოხატა, - ამის შესახებ „ევროპული საქართველოს“ წევრმა სერგი კაპანაძემ განაცხადა.

მისივე განმარტებით, საზოგადოებაში ძალიან ბევრი კითხვაა და ეს კითხვები ძირითადად ეხება იმას, თუ როგორ უნდა მოხდეს ეკონომიკური კრიზისის დაძლევა, როგორ უნდა გამოვიდეს ქვეყანა ამ პრობლემებიდან.

„ჩვენ კონკრეტული გეგმა გვაქვს შეთავაზებული მთავრობასა და პრემიერ-მინისტრისთვის, რომელიც მიგვაჩნია, რომ ამ კრიზისს დაძლევს, მაგრამ მთავრობისგან ამაზე რეაქცია არ მოგვისმენია, გარდა ქილიკისა და რაღაც სადღეგრძელოებისა. შინაარსობრივი დისკუსია არ გამართულა. უფრო მეტიც, მათ საერთოდ არ უნდათ დისკუსიაში მონაწილეობის მიღება არცერთ საკითხზე. ამიტომ, ეს კითხვები, ბუნებრივია, დაგროვებულია. თუ პრემიერ-მინისტრი მოვა პარლამენტში და ჩვენ ვიცით, რომ ის რეგულარულად არღვევს კანონს და არ მოდის ხოლმე პარლამენტში, მაშინ ამ კითხვებს დავსვამთ. რა თქმა უნდა, ეს არ ნიშნავს ბოიკოტის რეჟიმის შეწყვეტას, იმიტომ, რომ ბოიკოტის რეჟიმი სხვა მიმდინარე საკითხებს უკავშირდება. ხოლო, მნიშვნელოვანი საკითხები, როგორიც არის ახალი კორონავირუსი, ეკონომიკის გაჯანსაღების ამბავი, ისევე როგორც საარჩევნო საკითხები, ამაში „ევროპული საქართველო“ აპირებს, რომ მომავალშიც მიიღოს მონაწილეობა“, - განაცხადა სერგი კაპანაძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა