თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს კორონავირუსისგან გამოჯანმრთელებული 6 პაციენტი დატოვებს,- ამის შესახებ კლინიკის დირექტორმა ლევან რატიანმა ჟურნალისტებს განუცხადა.
მისი თქმით, კიდევ 10 პაციენტის განმეორებითი ტესტის პასუხებს ელოდებიან და უარყოფითი შედეგის შემთხვევაში, ისინი კლინიკიდან დღეს გაეწერებიან.
„ამ ეტაპზე კლინიკაში სულ 79 პაციენტია. კოვიდინფიცირებული გვყავს 61. კლინიკიდან ეწერება 6 გამოჯანმრთელებული პაციენტი. პირველადი 10 ტესტი უარყოფითია, იმედია განმეორებითაც მოვა უარყოფითი და დღის ბოლოსათვის კიდევ 10 დატოვებს კლინიკას“,- განაცხადა რატიანმა.